بآلامهم

كما انهمرت بـ صدقها .. وكما أملاها الفقر والعوز على قلوبهم الموجوعة ….

بلا عمل ..عاطلون عن الامل .. وعن كل ما يبهج ..

جمعت بعض آلامهم من منتداهم الذي قارب عددهم فيه الـ 100 ألف !!

استرقت السمع لأنينهم .. وهم يشكون همومهم لهمومهم .. ويواسون بعضهم بتقاسم الوجع فيما بينهم .. دمعة دمعة ..

خلف الابواب الموصدة عليهم .. هناك بعيدا عن كل حياة .. الا من وطن يعيش مورقا مخضرا في قلوبهم المثخنة باليأس ..!!

من منتديات “البطالة ” أتيت بحفنة الوجع هذه …

حكاياتهم  كما هي .. كما خطتها قلوبهم .. بعفويتها .. وصدقها  … وألمها


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يارب امووووت !!

انا خلاص قفلت الدنيااا بووجهي…
لاحظ رااضي يتعدل لا وظيفه ولا واسطه ولاشي..كل ماقلنا تقديم قالوا وااسطه…
وين ارووح قولوالي..ووين.؟؟
اقتل نفسي..؟؟
دورات مقدر ادخل….لان الاسعار غاليه.؟؟؟
وظاايف مافيه….جيبي واسطتك قبل شهاادتك..!!!
صدييقتي من 20 سنه..سلكت عمرهااااا ولافكرت فيني…
ههههههههههه
ونعم الصداقه…
ياارب ياارب امووووت وارتااااح…لان مكاني موهنااا…
قولوا امين يارب مايكمل اليوم الا انا بقبري….
قولوا امين..

بـ ألم المواطمة : رنوش عاطله

———————-

همــــوم فتاة سعوديه

اليوم انا حبيت اكتبي همي وحزني..
انا مادري كيف اكتب او ايش اقول بس حبيت افضفض اريح نفسي من همي..
يوم كنت في الثانويه كان همي اكمل دراستي ادخل تخصص انا ابيه يوم طلعت الثاني ثانوي اكثر صحباتي دخلو ادبي قلت اوك خلاص ابي دخل ادبي بس كان في شي دخلي كنت ماحب نحو والا البلاغه كنت مترددها كان الباقي من صحباتي دخلو علمي كان هدفهم الطب انا كان نفسي في الطب التغذيه كنت اعشقه او قسم نجليزي كان حلمي سهرت وتعبت مرضت كله فداء دارستي تخرجت من الثانويه
جاء يوم تقديم الجامعه اه اه اه من حضي
طبعنا ماكان في قسم تغذيه طلبت قسم نجليزي حلمي ابي حققه
للاسف ماقبلوني قالو القسم قسم بنات الادبي انتي علمي

تحطمت كانت نسبتي95
طبعنا قالو اذ حابه تدرسي انجليزي دخلي على حسابك14000 اربع طعش الف ههههههههههههههههههههههههههههههههههههههههههههههههه من يبي يدفع ليه اربع طعش الف
تحطمت عشان كل صحباتي دخلوعلى حسابهم عندهم ابو ماهم مثل حالي يتيمه مقهورها…
جالست في البيت مافي قسم قبلني اه اه اه من الطفش خاصه البنت
حاولت ادخل دورها بس للاسف من كثر ارصدتي في لبنك ماقدرت ادخل اقل دورها قيمته 5000 او كثر
دورت وضيفه عشان اقدر ادخل الجامعه منه ا اقدر ادخل دورها بس للاسف مافي كل شي بالوسطه
انا ماعندي غير ربي اه اه اه ياااهمي
مرت
عليه ايام اه بس صار عندي كتئاب من الوحده مافي احد عندي طفش خواتي كل وحده مشغوله مع عياله وصحباتي كل وحده مشغوله في دراسته انا ماعندي غير الجدران
والله صار عندي كتئاب كرهت كل شي ماصار لدنيا طعم في عيني مثل اول
المشكلهالصيف جاء الناس كله تسافر …انا
طريق بيتنا ماعرفه
طفشت من كل شي..
انا اذ خرب الاب توب حقي ماقدر اصلحه
جوالي ليه سنه مافيه رصيد
اذ بغيت اشتري ملابس ماقدرت اذا بغيت اتعالج ماقدرت كل شي يبي فلوس الي ماعندها وضيفه ايش تسوي اليوم الي ماعندها فلوس ماحد يسال عليه
يوم اشوف دولة الامارات كيف تعامل محمد بن راشد مع الموطنين اقول يابختهم ……..ياليت محمد بن راشد يتبناني…
خيلو جنبي يالمني النه رحت مشتشفى حكومي تدرون ايش صرفو ليه علاج قالون اه اه جميع الفتمينات نقصه جسمي اه اه من حضي.حتى مشتشفيات مافي هتمام لو كان عندي فلوس كنت قدرت اروح احسن المستشفيات…
اليوم كل شي بلو سطه
نفسي اسافر واترك السعوديه اه بس
حتى نوادي في سعوديه مافي منتزهات مافي كل شي طفش
معليش كلامي ملخبط جالس كتب انا أبكي
معليش طولت عليكم بس دعو ليه

بـ ألم المواطنة : همومي

———————-

وين أروح !!

حلمي اكمل درستي كل مارحت الكليه ولاجامعه قالو ان شهاده مره عيه اكثر من ثلاث سنوات
طيب وين اروح ؟؟
رحت المعهد الصحي قالو لازم تدفعين ستة الالف مقدم وبعدين كل شهر الف
طيب شهر مقدور عليه من اخوني قالو لك 500 شهري لا ن روتبهم 3000بس ويصرفون علينا
امي يالله على ضمان تصرف منه ومافيه شي
وش اسوي ساعدوني تكفون
حالتي صعبه الفقر ذبحنا
يارب تحله

بـ ألم المواطنة : عبير محمد

——————————

تعبنا والله تعبنا

السلام عليكم ورحمه الله وبركاته كيف حالكم يا اخواني بصراحه انا فكرت وفكرت وفكرت وشفت انه الوضع مره مو هين ولا ينسكت عليه وبصراحه سياره تبي تصرف عليها ماتقدر يخرب فيها شي تخليها بمكانها ليه مافي فلوس طيب تبي تشتري شي ماتقدر ليه مافي فلوس تبي تتزوج ماتقدر ليه مافي فلوس تبي تتوظف ماتقدر ليه مافي رجال تبي تساعد وتتصدق انت تبي من يتصدق عليك تبي واسطه من احد لوجه الله يقولك لازم مقابل يبي فلوس او شي ثاني والعياذ بالله يعني انا مالقيت وظيفه يوم تقول لي اوظفك بس تعطيني 25 الف من وين اجيبها لك ولا هو تعجيز وبس والله ثم والله ان مافي مكان ماقدمت فيه ولا لقيت ولا يجيك واحد يقولك والله مكتفين وهو بيدخل كل معارفه لاكن تدرون هي النهايه اني بنتحر والله على ما اقول شهيد اتعذب عند ربي ولا عند ناس ماتسوا

بـ ألم المواطن : فين أروح ؟

———————-

الشكوى لغير الله مذله ولكن!

السلام عليكم ورحمة الله وبركاته
تصدقوون اني متخرج من عام1419
ولاوظيفه ولا سياره ولا زواج ولاشي ما استفدت شي من عمري في الحياه بس هم وغم وضيق
مدري وش اسووي حتى اهلي ما اروح لهم في السنه الا مره وحده مالي وجه اقابلهم
اخواني الي اصغر مني من سنين متوظفين وزواجهم في الصيف الجاي الله يوفقهم وانا
مالي نصيب في شي حتى قرايبي برتبهم الكبيره ما صلحو شي لي
لما اروح اقدم في مكان تنسد في وجهي من كل النواحي
كلمه اخيرره
الي يقدر يخدمني ويوظفني بعد الله سبحانه اقسم بجلال الله ما راح انسى ها المعروف له مادمت حي
الشكووى لغير الله مذله…….ولاكن الحياه اجبرتني على الشي ذا!!!!!
عمري 30 سنه
حاصل على الثانويه العامه
وعندي الرخصه الدوليه في الاي سي دي ال مدة 6 شهوور
المدينه الريااض

بـ ألم المواطن : أهل الخير

———————-

مستقبلي على صخرة الانتحار !!

هل ما أتمناه هو أكبر من طاقة الكون ؟! وهل أحلامي أعاصير مزعجه لأرض وطني ,كل الحروف تتقلص في فمي وتذوب في مجامر الألم , صهرني اليأس في بوتقة الآهات , وبالغ الزمن في ظلمي حتى أنه عرى معالي من كل إمكانيتي , فأنا اليوم ضحية مجتمع عاق يعيش في جو الفاسد الإداري لقد فرض علي حياة البطالة في تلك الليلة الخرساء التي تخرجت فيها من الكلية بتخصص كيمياء و رغم مرارة العوز
تعلمت في معهد الحاسب آلي حتى لا العن حظي البائس وكي أدرك الرضاء عن الذات وأغرق في أحضان السعادة ولا أكون في طابور بنات بلادي اللاتي أصبحن يحملن من أسفار العلم والشهادات وبعثرها
حرف واو الواسطة ,طفحت الدوار الحكومية بشهاداتي حتى أعلنت لي أحد السيدات عن انتهى مدة شهادتي وكان بها ترمني بين أوتار الكآبة , وتشعل في جوفي لاهيب أحرق سنوات دراستي
وإلى هذا اليوم وأنا ابحث عن عمل في مجتمع حيواني على صورة بشر .
هذه أول آهه تخرج من تلك البوتقة ثم يعوزني شيء مهم آخر وهي
ثاني آهه والتي حشرجة أنفاس أمي الكبيرة بسن والمريضة والتي طرقت ظهري بمطرقة صنعت ذراتها من ظلم النظام لمستفيدين من راتب والدهم المتوفى هي خصم جزء من الراتب بخروج أحد أفراد الأسرة
لقد خصم راتب والدي حتى اصبح 1500 ريال فقط لا غير وكان بدوله تزيح عبء مسؤوليات الكون علينا , في بعض الاحيان أطالع والداتي بعيون الحرمان والسؤال بصمت إلى متى ؟؟
آه ومليون آه مثقله بدموع اليتيمه أفتش عن عمل آوي به نفسي وأمي من مهاوي الدنيا والشيء الهام لا أريد أن إرخاص كرامتي وبذل ماء وجهي على أنانية المجتمع
أليس من حقي أن أجد وظيفة بمؤهلاتي العلمية بدون واسطة ما هو ذنبي و مالذي يجعلني اصبر على تحمل طابور الانتظار بنفس مقهورة وهل المطلوب مني أنا اطلب من أهل الخير المساعدة على ثمن عمري الذي بذلته في الدراسة
ارتميت على أبواب الخدمة المدينة ولم أجد فيهم إلا بقايا الإنسانية لقد ارتطمت آمالي بصخرة القلوب القاسية الفاسقة التي تبحث عن المنافع المتبادلة
والى متى سوف أظل أنا وغيري تحت أقدام العابثين من أبناء المجتمع الضال ؟

بـ ألم المواطنة : احاسيس مقهوره

———————-

عندما يتحدث اليأس !!

السلام عليكم
هنا تبدأ قصتي وهنا تنتهي
الم في صدري استمر ومازال ولن ينتهي
هل هذا فعلا وطني …
اخواني الكثير منا ذكر حالاته الصعبة في ايجاد الوظيفة وحاجته اليها
وانا منهم
وانا اكتب هذة الكلمات تكاد الدموع ان تخرج من عيني لما الت اليه حالي
وحال اخواني
فعلا نحن في اخر الزمان
العمر / 28 سنه
الشهاده / دبلوم كليه تقنية التخصص ( لن اذكره لحاجه في نفس يعقوب )
الشكل / على حسب حالتك
الطول / 170 سم
اللون / ابيض
اجيد استخدام الحاسب بكفائه عاليه من صيانه ومن برامج
الامل / موجود ولكنه يكاد ينطفئ
تعرفون وين مشكلتي
اب على وشك التقاعد باقي اقل من سنه
متزوج من حرمتين
الاولى منها 12
الثانيه منها 5
هل يعقل هذا
كلنا عاطلين عن العمل كلنا بلا استثناء
انا راح اقوله رغم صعوبه ذكرها فأنا والله لا احب ان اهين نفسي اما الاخيرين
ولكني في حاله لا استطيع الصبر معها
مشكلتي لا املك ولا قرش في جيبي ولا املك مساعده من اي شخص في هذا العالم
لا احد هل تعرفون معنى لا احد
ظروف قاسيه جدا جدا رغم مظهري الذي يدل عكس هذا
من يستطيع مساعدتي فليرسل اميله الى الخاص
علما اني من المنطقة الوسطى
لا اريد الدعاء لي فكل الناس تستطيع ان تدعي اريد شخص يحل ازمتي هذة
اريد شخص يوظف ولو واحد من اخواني
ياناس فرجوا على المسلمين يفرج الله عليكم
انا كتبت هذة العبارات لعلها تكون الطريق

بـ ألم المواطن : ماذا افعل

———————-

ضاق فينا الحال خلاص

السلام عليكم ورحمه الله وبركاته يا اخواني واخواتي بصراحه ضاق فينا الحال خلاص بكى وبكينا تقديم وقدمنا دورات واخذنا وين نروح الدنيا صعبت مره صعبت الوظيفه سرت احسها كنز اذا جاك لاتفرط فيه زمااان كانت العسكريه تجيك ويدقون البيت عليك يقولو لك تعال نجندك اللحين مافي تروح شركه يقولك فكرتنا عن الشباب السعودي مو مكافح طيب انا واقسم بالله اشتغلت بشركه مدخل بيانات لمده سنتين وراتبي 600 ريال بالشهر والله غيري مايرضى فيها وش تسوي 600 ومع ذلك رضيت وسكت والي يقولك فكرتنا عن الشباب السعودي مو مكافح ومايبي يشتغل طيب هذا انا اشتغلت سنتين براتب 600 وغيري بالمصانع 12 ساعه وراتب 1200 بالعقل مو حرام يعني كلنا مو مسؤولين عن عوايل وعندنا عار نخاف عليه الله الساتر بس الله قال خذو بالاسباب ياخي الوظيفه والراتب الزين سبب انها ماتحوجني لأحد بعد الله وتخلي كرامتي بمكانها ولاحد يدوسها يعني لما اجيب فلوس بالحرام يقولو حرام عليك وهو صح حرام بس ياخي من وين قولو لي من وين ؟؟؟

بـ ألم المواطن : عاطل


———————-

والله حرااااام !!

السلام عليكم ورحمة الله وبركاته
انا ويش اسوي
انا لاضمان ولا جمعيه تساعدني
بشقه اجار ورجلي مريض و راتبه ضعيف ولا احد موظفني عشان اساعده
وانواع الذل والطرد من صاحب العماره قولولي بس ايش اسوي ؟؟؟
يقول ادفعو سته الاف ولا اطلعو والله ماااا دري وين اروح ابقى حتى لو شينكو اعيش فيه
أسألكم بالله وش اسوي دلوني بس دلوني وش اسوي
وكل شوي يقول فضي الشقه و يامطفي الكهربا يا حاط ورقه على الباب ومحرجني آآآآآآآآآآآه
والله مدري وش اسوي ضاقت فيني الوسيعه ولا ادري وين اروووووووووح
انا متحمله واقفه مع زوجي ابي اسانده لاكن لاحول ولاقوه مافي اليد حيله
و ان قلت بجلس عند اهله البيت مزحوم ومليان مابه مكان وساكنين بإيجار
احنا مواطنين من اهل البلد ولا عندنا بيوت كيف كذا
وان رحنا نعيش بصندقه او شينكو البلديه تسنتر قائله
(الارض للبيع شيلو عفشكم)
يشهد الله اني من طلعت من على هالدنيا وحياتي شقا بشقا عند اهلي ماسكه اغلب الامور وشايله البيت من صغري شايله هم اكبر مني انقطع قلبي ويشهد الله صديت عن العرس سبع سنين تنازلت عن كل شي لحد ماكبرو اخواني شوي وعرفت اني اقدر اترك البيت عليهم وبعدها اعرست
بعد ماتأزمت امور رجلي بسبة هالغلاء وانا اجاهد ابي الامور تزين لعل وعسى تقل الايجارات
ذهب وبعته فرش وبعته ولا عاد بقى شي ولا وظيفه ولا شي ملك انقطع قلبي والناس ماترحم وش صاير بالعالم لا رحمه ولا غيره ناسين ربهم مايخافون الله وان ذكرناهم (لاحول ولاقوه) مايبونا نذكرهم وش ذا ؟؟؟؟
وين اهل الخير الجمعيات حددوها للمتقاعدين بس؟ طيب وشبابنااااا ورجالنااااا شلون يعرسون والاجارات كذا وبدون وظايف والرواتب دااااجه
الى متى الناس صارت نفوسهم ضعيفه ويحدون على الشر بدال مايسعون للخير
والله حرااااام يابلدي تكوني كذااااا
يالله يارب انك تسهلهااااااااااااااااااااا
يا اخواتي في الله يا اخواني في الله
دلوني وين اقدم معاناتي لمن
الاجار زاد الديون علينا
وانا مطلوب مني افضي شقتي هذا الاسبوع
علموني ياناس وش اسوي والله تعبت ساعدوني
حطو نفسكم بمحلي تكفوووون
اللهم اني اسالك ان تفرج همي
يارب يارحمن ياكريم

بـ ألم المواطنة : انتظار

———————-

تكفون أبي حل

السلام عليكم ورحمة الله وبركاته
تحيه طيبه وبعد
الاخوة الكرام
ضاقت بي الدنيا من كثر الديون ومشاكل الحياة
طرقت كل الابواب وهذا انا اطرق بابكم وكلي أمل ان اجد حل
لا اطيل عليكم سأكتب قصتي امامكم
قبل حوالي 8 سنوات اتفقت مع احد الجيران على ان نقوم بشراء سياره من شركة الراجحي
بنظام التقسيط على ان يكون انا المشتري وهو الكفيل مع الاتفاق على انه هو المستفيد من المبلغ
ووجود اسمي من باب المساعده له فقط ..
تم شراء السياره وتم بيعها واستلم المبلغ كامل وبدا بتسديد الاقساط ولكن قدرة الله فوق كل شي
لقد توفي الرجل رحمة الله عليه وتبقى عليه مبلغ وقدره 44410 اربعه واربعون الف واربع مائه
وعشره اريال .. ولكوني انا المشتري لايشمله نظام العفوا في حالة الوفاه ..
تقدمت الشركه بشكوى ضدي تطالبني بتسديد المبلغ المتبقي وبالفعل قمت بأخذ قرض من البنك
وتم تسديد المبلغ ,,
الان انا متقاعد وراتبي لايغطي احتياجاتي وضروفي الماديه صعبه ,,
ابحث عن حل هل اجد من يسددني ولو جزء من المبلغ انا محتاج والمتوفي رحمة الله عليه
لديه ورثه مكونه من عدد من البنات وولدين ولكن ليس لديهم وظائف وليس لدي اثبات
لتقديم شكوى ضدهم .. سوى ورقه كتبها المتوفي بوجود شاهدين ,,
هل من حل هل يوجد محامي يستطيع ان يرفع دعوى ضدهم او فاعل خير يسدد عن المتوفي
فقط اريد ولو جزء من المبلغ لكي اسدد بعض ديوني ,,,
اتمنى ان اجد لديكم المساعده ,, ومتم بخير

بـ ألم المواطن : عقيم متقاعد

———————-

ليت ربي ماخلقني سعوديه !!

بعد التعب والانهيار النفسي اللي اعيشه
قررت اصرخ لعل صوتي يصل لاعلى كسؤول

الى متى وموضوع البطاله قضيه اصعب من قضية فلسطين؟؟
خطيبة شخص من 7 سنوات وللحين ماتزوجنا والسبب مالقى وظيفه
طيب وش اسوي انا .. اتركه يعني واتزوج واحد متوظف ؟؟
ابيع حبي وقلبي والسبب دوله ماتعرف كيف تأمن وظايف لشبابها
تكفون طمنوني اذا فيه تقديمات لخريجين الثانوي في اي مكان حكومي

قولوا لي عنها الله يطمنكم دنيا وآخره ..

مااقول الا :
ليت ربي ماخلقني سعوديه
ليت ربي ماخلقني سعوديه
ليت ربي ماخلقني سعوديه
ليت ربي ماخلقني سعوديه
ليت ربي ماخلقني سعوديه

بـ ألم المواطنة : عنوان البطالة

———————-

اكبر غلطة بحياتي .!

مافي الا انتم اشكي لكم همي

نعم أكبر غلطة بحياتي ارتكبتها هي :
دخول الجامعة
مع كل أسف نعم نحن في دولة الكل يسير في طريق مظلم ومستقبل مجهول الهوية .!
دخلت الجامعة وكلي طموووح وكلي امل وكل تفكيري اني اتطور ذاتيا بالحصول على البكالوريوس
كلي امل بعد الشهادة الجامعية ان امسك وظيفة اطور فيها واطبق ماتعلمته
كلي امل بمستقبل زاااااااااهر
كنت احسبها اني دخلت بعمر 20 سنة على ان اتخرج وعمري 24 سنة والقى الوظيفة المناسبة التي تؤمن مستقبلي وتجعل حياتي سعييييدة هااانئة بلقمة عيش كريمة بالحلال
كنت احسبها اني فور التخرج وبعد الوظيفة ان اتزوج واستر على نفسي وزوجتي وننعم بحياة سعيدة ونوفر لقمة عيشنا بالحلال ونخطط لمسقبل اولادنا وبناتنا
كنت احسبها اني بعد الجامعة راح ارتاح كثيييييير وراح اعيش الحياة اللي انا كنت اطمح لها
درست واجتهدت وتخرجت من الثانوية بمعدل 91% ودخلت الجامعة وتخرجت بعد 4 سنوات ونصف
بعد ذلك كله اتفاجأ بان كل الطموحات اصبحت أحلام بل ومع الزمن أصبحت أوهام
تفجأت اني بدون واسطة وان كل اللي عملته وكل الشهادات اللي جمعتها يجب ان احطها بوسط ماء واشرب الماء
تفاجأت اني كنت غبي لأبعد حد حين دخولي الجامعة
فالدفعات التي تخرجت بعدي بمعدلات 70 % متوظفين ومتزوجين وعندهم سيارات جديدة والراتب ماشي زي الحلاوة
وانا قبلهم بـ 91% دخلت الجامعة وتخرجت وكل اسبوع اروح للوالد عشان يعطيني المصروف
ابغى اتزوج ماني قادر بدون وظيفة .! احاول اني امسك نفسي لكن بنفس الوقت اسال نفسي اقول الى متى وانا ماسك نفسي .!
ابغى ابغى ابغى ابغى ابغى

وكل اللي ابغيه اظن اني بموت ولسه ماسويت شي من اللي كنت ابغاه .!
يابلد الذهب الاسود ماذا انتم بنا فاعلون والى اين انتم بنا سائرون
نحن بلد اسلامي وتدعون ان دستوركم القران والسنة ولكن الحقيقة انكم لا تعرفون بالقران والسنة الا اسمهما فقط لا غير تطبقونها وفق احتياجاتكم فقط
الى متى التخلف
بكالوريوس يشتغل كاشير .! بكالوريوس يجلس عاطل بالسنتين .!
الى متى ونحن نعاني
لو كانت البلاد مهزوزه اقتصاديا وماليا كان قلنا عذرهم موجود . ولكن نحن اغنى بلد في العالم .!
وبنفس الوقت معدل البطالة عاااااااااااالي جدددددددددا

بـ ألم المواطن : جامعي محاسب

———————-

عمري راح ياناس في العطاله

السلام عليكم ورحمة الله وبركاته
مدري من وين ابدا كل شي تقفل بووجهي لاحول ولاقوة الا بالله
العمر راح لا وظيفه ولا زواج ولا سياره ولا شي كل مارحت اقدم في مكان يصرفووني….!
تخيلو لي تقريبا 10 سنوات عاطل
خلاصة الكلام
الي يقدر يساعدني بوظيفه فا اقسم بجلال الله ما راح انسى له هذي الخدمه مادمت حي

تكفووون ياوجيه الخير

بـ ألم مواطن

———————-

يقوولوون ليه ندشر!!

خلاص يانااس انا تبعت ورب البيت خلاص خلاص خلاص

معااد ااقدر اتحمل يخي ووش اسووي انا بعمري

اااعوووول عائله كبيره وبووي ماايدري عنااا وووطوول يووم ااشتغل بسيااره ووتعبت لا ابووهم لا ابو الوظااايف لا ابو الفلوووس يقوولوون ليه ندشر وونصيع خلاص اليووم ااعلنت انا استسلامي

بـ ألم المواطن : بكالوريوس شوارع

———————-

خلاص ماأبغى وظيفة

السلام عليكم ورحمة الله وبركاته
أخباركم:
ترى الأخلاق شينه والله تبون الصراحة مليت من كثر ماأدخل هالمنتدى بسبب هالوظايف
الله يلعن والديه من وظايف والله في أشياء تقهر بهالدنيا:
تصدقون والله ورب الكعبة أن خلال ستة شهور من كتبت الموضوع(((أذا ماحصلت وظيفة))
أني لأأنتحر
طفشون باهالوظايف
أبسالكم تكفون ساعدوني؟؟؟؟
أنا عندي عمى اللون ((الله لايوفقنا من حطه)
وكتبت معروض للأمير نايف ولأشافت رد
تكفون هل ينفع أني روح للأمير نايف؟؟
وين حصــــله؟؟؟؟؟؟؟؟

بـ ألم المواطن :مافيه وظائف

———————-

الله يسعدكم احتاج وظيفه

الله يخليكم ويجزاكم الفردوس الاعلى ويغفر خطاياااكم .. احد منكم اخوااتي واخوااني يقدر يساعدني بوظيفه في مدرسه او بنك او مستشفى ؟ (مشرفه .. مراقبه .. حجز مواعيد .. اي وظيفه مو معقده)

وربي حالتي النفسيه عدم احسني عاله على اهلي وعندي بنت ومو قادره اوفر اغلب اغراضها .. انا مطلقه واللي كنت متزوجته ما خلاني اكمل تعليم الكليه ورااحت علي

شهادتي ثانويه ادبي ومعاي دبلوم ست شهور حاسب الي من جامعة الامام وعندي اسلووب حوار وانفع علاقات عامه ومو شرط الراتب لو 1500 موافقه عليه

واذا محد يقدر فادعولي والله يسهل اموركم واموررري

بـ ألم المواطنة : فقيرة الحظ

———————-

ذبـحــنـــــي الــــهــــــــــم

بـدون مــقـــدمـــــــــات
أبــي أحـــــد يــســاعـــدنــــي
يـحـصـلي وظــيـفــة والله تعبت وطفشت من العـطــالــة ومـن الـطـفـرة
خـــــــــــــــــــــــــــــــــــــــــــــــــ ـــــــــــلاص
الـى مــتـــى وانا كـــذا شو كذا افـكــر انـتــحــــــر
قـولـوا وش اســــــــــوي
والله حـــالــتــــي صـــعــــبـــة
الـوالــد غــيــر مــتـــوظــف
اخــــوي متوظـف متزوج يـالله يـصـرف عـلـى نـفـسـه وعـلـى زوجتـه
ابـــي تــحـصــلــوا لـــــــي حـــــــــــــــــــــــــــل

بـ ألم المواطن :عاطل الرياض

————————–

يـــــا صباح الفقر

بداية المشوار :

أنا أقول حينما يكونلكـ.. حزن مثل خبز المارة ..
وألمك يكون على شكل نهر … يشربُ منه على الطريق..!!
حينها .. أنكر وجهكـ..
ضعه حيث لايمكن لـــ ذراتهُ أن تتسرب..
فـ بذلكـ تشكل طريق لايعبره أحداً سواكـ ..
أناهنا لا زلت ألتحف ذلك العويل.. (( عويل الفقر)) ..
وأدعوا من كل قلبي” لوالينا ” أن يرزقه بكامل الرزق محاذي للحلال
ولكن لن أكون أناني بل سوف أدعوا لكل من أحببتهم بـ فقر يغنيهم مدى الحياة..!!

كنت أتمنى أن يكون الفقر رجلاً..!!
لـ أقبّل رأسه..!!
أن للفقر قلب وليس أي قلب … قلب عاشق !
لو أحتضنكـ فــ أنهُ لا تركـ لكـ الفرصة لتعشق وتفكر في سواه..!!
عندما تكره الفقر فـ أنكـ بـ فعلتكـ تلكـ تكون جاحد..!!
فلميحبني أحد سواه .. تقاسمنا رغيف الحياة بيننا..
يا له من وفي .. في زمن قــــلفيه الـــوفـــاء..!!

أعـلـم أنني وفي لفقري..!!
عندما تفسد.. قلوب الفقراء..فـ يصيبهم المرض كما يصيب غيرهم من عامة المخلوقات,,,
بحكم ذلك سوف يذهب الىحيث قيل لهم.. ذات.. وهو مكان يتدوى فيه المرضى..!!

وعندما يحدث كل ذلكـ يكتشف الفقير أن لمرضه زكـاة..!!
وبـ رغم من أن أكثر الفقراء لا يدفعون الزكاة الاأنهم يدفعونها..!!
ولو قلت لكم أني أفكر بأكثر وضوح .. الفقير يذهب الىمستشفيات الفقراء ذلكـ يصب على عاتق التقليد..

ليقلد من يمرض ويتداوى … ويقالله في هذا وبكل ” فقر ” لم يحل حول فقركـ لتدفع زكاتكـ.. بـ التداوي..!!
على مهلكـ…لابد أن يحل عليك.. حول الفقر لكي تعرف معنى الدواء..!!
ولكن هنا عندما يكون رأس مالكـ هو فقركـ.. فـ أنكـ سوف تدفع زكاته .. خوفاً عليه لكي لا يذهب عنك..!!

نهاية المشوار يازملائي

أقول..وأقول .
الحياة.. .قــد.. وقــد تكونمجرد.. كذبه ..
حينما ننسى أن نحياها..!!

وعلى الهمـ نلتقي أو نفترق.. دمتم برعايته

بـ ألم المواطن : سعود الشمري

———————————–

جميع ما ورد أعلاه كما خطته  آلامهم .. وهنا في بيتهم الكبير .. الكثير والكثير والكثير

btalah

33 فكرة على ”بآلامهم

  1. شي يقطع القلب والله انها ابكتني بحرقة
    الله يساعدهم ويرزقهم
    وفقك الله ياطراد وحقق احلامك واسأل الله ان يجعل كل ماتقوم به في ميزان حسناتك

  2. أخي طراد أسعد الله ايامك … وشاكرا لك فتح المجال لمن هم ابناء وبنات الوطن لذكر معاناتهم وهمومهم …. فعلاً امر محزن ومخزي ان نشاهد مثل هؤلاء الشباب والشابات المعطلين وهم في بلد يعد اقتصاده من اقوى الاقتصاديات في العالم؟؟!!!.
    متى يأتي اليوم الذي نشاهد تحرك حكومي قوي للنظر في وضع هؤلاء المعطلين وحل مشاكلهم ….. كان الله في عونهم

    ………………………………………………………………………………….

  3. وربي قهر حسبي الله نعم الوكيل اللي يشوف هموم غيره تهون عليه همومه ,, ليتني عشت بزمن عمر بن الخطاب

  4. قهر قهر قهر قهر …. حسبي الله ونعم الوكيل … ناس عايشه ولاتفكر بالوظيفه وناس تبي بس تستر على نفسها من الحرام ومو لاقيه وظيفه ….

  5. قال الرسول صلى الله عليه وسلم (من يتق الله يجعل له مخرجأ ويرزقه من حيث لا يحتسب)
    اخواني خوااتي عليكم بالاستغفااار وانشالله تتيسر
    وانما الاعمال بالنيات وانما لكل امرئ مانوى
    كل واحد يحسن نيته ويكثر من العباده وخاصة الاستغفار
    وبيرزقكم الله انشالله بالوظايف الزينه

    ودمتم بصحه وبسلامه

  6. صح الحمدالله حاالي ميسور وبخير ونعمه بس وربي كلام كتير ومدونات تعبت قلبي..
    وخلتني اصير اقول كل دقيقه الحمد الله اني بنعمه وصحت اسلام وجسد.

    صح الوظيفه صارت مهمه..

    بس وربي نعمه اني بخير اكبر نعمه..

    ولكل محتاج انا اقول مالكم غير ربي الكريم..الجئو ليه في اخر اليل

    خاااشعين وربي ما ينسى عبدووو ابدا..

    دعواتي لكم دايم..

  7. بسم الله مقسم الارزاق
    اعلم ان الله هو من يقسم الارزاق بين الناس وان لكل انسان ما قسمه الله ,
    ولكن حين ترى حقك ينتزع من بين يديك انتزاعا ويسلب نصيبك من حق وجودك فلن يبقى لك امل في حياة تلبي لك ابسط متطلباتك , عندما ترى فئة من المجتمع تسيطر على كل شئ وتحول خيرات ارضك لابنائها وابنائها فقط فلن يبقى لك امل في عدل يوفر لك ابسط مقومات المساواه ,
    تعبنا من المواربة في حديثنا والتلميحات اللتي لا توصلنا لمرادنا …. نقولها صراحة : بلدنا ينهب .
    ربنا لا تؤاخذنا بما فعلوا ,
    ولك اخوتي لا ينقطع الامل بالله فان الغد باذن الله اجمل , وسوف نصل … واصلوا القاومة والعمل ممزوجة روح الامل وسوف نصل .
    دمتم سالمين ,,,,

  8. الله كريم

    الله يرزقكم ويعوضكم

    انا متوظفه من سنتين بعد انتظار اربع سنوات عشت فيها الحرمان والقهر
    حاسه في كل كلمة انقالت وربي تـأثرت وبكيت وتذكرت حالتي قبل كيف كاانت
    لا مجتمع يرحم ولا حتى أهل يرحموون تهرب منهم تروح فيين وتلاقيها من وين والا من وين

    ادعوا ربكم والحوا في الدعاء واستغفروا والله يفتح لكم أبواب رزقه

  9. وعليكم السلام والرحمه
    يارب يااارااازق ارزق كل واحد
    وده بالزظيفه
    واستر عليكن يالبنااات بالرجال الزيييين
    اللي يسعدتس ويريحتس
    >> عاد ماوراهم راحه
    هع
    انا توي ان شالله باقي لي شهر واتخرج
    من الثانويه
    نسبتي ان شالله بالتسعيناااات
    لاني من كثر المذاكر حوليييييييييت
    هع
    حتى الكيبووورد نسيت حروفه
    يارب لاتخيب املي واملكم
    بس احتمال كبير بعد الكلام
    اللي قريته
    راح اصف معاكم السنه الجايه
    ههه

    ؛
    الله الرازق والله ماينساء عبده
    امانه جربوها اخر اليل صلو
    ركعتين ركعتين بس
    وقولوا كل شي
    لربكم ربي مااحيخيب امل
    حد

    واستمتعوا بالحيااه لاتخلونها تذبحكم ترا الدنيا
    صغيره محد ماخذ منها شي
    موفقين يارب جميعااا

    توفي ~َ|

  10. يسعــد صبآحكم..من جد آضحك على نفسي كنت اعتقد آن مافي احد مثلى مهمومه طلعت في نآس ادهى وآمر آلله يعين الجميع انشآلله ويفك عقدتنآ جميعآآآآ…

  11. حلو حلو ياطراد

    انت الأن احرجت المنافقين والحراميه

    اهنيك

    كمل ولا يهمك احد

  12. بدون مقدمات لاني مليييييييييييييت
    انا فتاة في اللثلاثين من عمري وحيدة امي الله يخليها لي يارب ويطول بعمرها
    لامعيل لنا بعد الله سوى الضمان الاجتماعي يعني 800 ريال شهريا فقط
    بصراحة مدري ايش اسوي فيها من اول يوم تطير ديون واحتياجات البيت
    طبعا متخرجة ولا لقيت وظيفة والمنطقة اللي ساكنتها مافيها فرص وظيفية ابداااااااااااااااااااا
    ايش اقول ياربي
    المستشفى مايبغالة فلوس
    السوق مايبغالة فلوس
    الضرورياااااااااااااات مايبغالها فلوس
    وين اروح اذا ماعندي لااب ولا اخ ولا عم ولا خال
    ابغى بيت يضفني انا وامي
    والله جاني اكتئاب
    وفي النهاية حتى زواج مافية……..لان الشباب منهم لاقيين وظايف
    خلااااااااااااااص مافيني اكمل

  13. هههههههههههههااي قسم شيء يضحك جالسين يشتكون على عطاله لمدة 10 سنين ههههههههههههههاااي ياناس انا عمري 30 وعاطل ليه 15 سنه متخرج من الثانويه وقدمت في الجامعه وماقبلوني النسبه طايحه رحت قدمت في شركة وظفوني 3 شهور بدون راتب وبعد الثلاث شهور سلموني 1500 ريال والمتفق عليه كان 2500 ريال وخرجت من الشركه ومن هذاك اليوم ادور وظيفه ماحصلت كل مارحت شركه قالوا لازم يكون عندك دوره انجليزي والا حاسب طيب من فين اجيب فلوس الدوره ههههههههههههااي بس تدرون وش سويت في الاخير تعرفت على واحد ساكن قريب من بيتناا عمره تقريبا 36 المهم هذا الرجال مروج مخدرات علمني الصنعه والحمد لله صار دخلي في اليوم تقريبا 300 ريال << وش اسوي اسرق لا مايصير اسرق على الاقل اروج مخدرات ولا امد يدي على حق الناس صح هياا حرام بس الحاجه خلتني كذا !! بس تدرون وش المشكله اني ما اقدر اتزوج رغم عندي فلوس بس ما اقدر كل ماجيت اخطب قالوا وين شغال طبعاا ماعندي شغل غير الترويج ويرفضون تزويجي بسبة ماعندي شغل بس على الله مالنا غير سوريا نتزوج مسيار ونعيش حياتنا (( بلا وظيفه بلا هم قال 1500ريال وربي ولا حق الوقفه 8 ساعات في اليوم وفي الاخير 1500 ريال

  14. بصراحــة .. فيه ناس .. تتمنى تتوظف ولو براتب 3000 ريال

    لكن والله اني اعرف ناس رواتبهم 8000 ريال

    وغرقانيين في الديون .. وحالتهم على الله ..

    يعني المسألة يبغى لها شغل جااااااامد من الدولة

    من توفير سكن .. أو منح اراضي ..

    أقساط مريحة .. لبناء منزل .. وغيرها كثييييييييييير

    الله يعين يارب

  15. الصبر يناس والله فيه دول اعظم منا بس نحمد الله على نعمة الامان

    الدولة مومقصرة لكن المسؤلين الحراميه كل شي في بطونهم

  16. وش اقول وش اخلي هذاني ادرس بالجامعه بدون مكافئات ليش عشان تعديت سنوات جامعية حقتك طيب مو اهمال مني ولا رسوووب و اذا وحدة مريضة صحيا وتنومت بالمستشفى فترة طويله اضطرت تاحذف ترم وتحول قسم ثاني انا كنت فيزياء وبعدين حولت علم اجتماع وكان معدلي بالثانوي 90 طبعا خريجت عام 1425 الحين لي ست سنين بالجامعه وسنتتين مااخذ مكافئات ياويلي لو اروح اشكيهم ولا اقول ابي طيب وش ذنبي ااذا ضروفي العائله صعبه وضروف البيت صعبه وومادية يعني اجلس بدون مكافئه طيب بحوث جامعه من وين اسويها مصروفي من وين اسويه حتى الببسي الحين صار بريالين والعصير ب3 ريال
    والسندويشات على خمسة بالجامعه معليش وربي اذكر ان بنات اول بجامعه الملك سعوود بالملز يوم كنت ادرس فيزياء كان فيه فطور جامعه بريال وربي يحطون لك الي ابي جبن بيض فول وكل شي والغداء بريالين رز وسمك ودلع واكل نضيف ووش حليله مدري بعليشى هالمطعم موب موجودوش السالفه ..؟؟؟ ليش تحسبون كل البنات الي يدرسون بعليشه كاشات وبنات عز وووالي بالملز لا بنات فقرا وحاطيلهم هالمطعم ,,؟؟؟
    ولا طبعاغير الواسطات ووظلم الدكاترة حسبي الله عليهم
    ترسبني بالمادة عشاان ناقشتها بموضوع المنهج او بموضوع بحث او حتى شافت علي نضارة زينه وبدت تلمح ولا ااذا جيت عندنا بالمكتب ابي اكلمها تقفل باب بوجهي تقول موب فاضيه لك بالله وشهالنفسية حطي نفسيتك على اهلك مو علينا ,,,؟؟ الحكومة تعطيك راتب مو اقل من 10 الاف وغير طبعا دبلات ودورات الي تسوينها تعطيك عليها وتنفخين

    يعني احساس داخلي يجي الدكتورة انه خير من انتي تناقشيني بحث او تجين تكلميني والي يقهرني تسوي فيها مودبة قدام وكيله القسم واطيب شي بالحياة وااذا جت القاعه تجلس تقول كم كلمة وووتطلع من محاضرة ولا تشرح ومايعجبها العجب ولا صيام برجب ووحتى بالاختبار تبي تكتب الاسئله حضرتها مالها خلق تنوع بالاسئله وتعطي للطالبه حق التنويع يعني معليش مستوى الذكاء مو واحد صح ولالا تحط سوال مقالي واحد عليه 30 درجة وسال مقالي ثاني عليه 30 درجه عن محاضرة واحد بمنهج كاامل الاختبار نهاائي
    طيب وين باقي محاضرات طيب فرضا مامداني اقرا هالمحاضرة مثلا طيب اسقط وياليت يعني يعجبهم كلامنا لو نكتب الي نكتب اكثر من 20 من 30 ماراح تعطيني ,,,؟؟؟ مفروض يصير فيه نظام بالجامعه اجباري ينوعون بالاسئله وويعطون حق كل محاضرات المقرر حرااام ,,,؟؟؟
    مافي حريية للطالبة تعبر تيقول الي بقلبه
    بس وش نقول وش نخلي حتى باصات الجامعه تسجيل فيها واسطة حمدلله وشكر
    ليش انتي متعدية سنوات جامعية ,,..؟؟؟ باللهي يعني مادرس ,,؟؟؟؟
    وهداني اعاااني من الم بالرقبة والمعدة ودوووخة ووصداااع

    داائم ,, ماله علاج
    هذا كوم ومشااكل العائليه كووم ثاني
    وكلام امي وابوي تزوجي عنستني كبرتي معقدة مريضة نفسيا ’’’,,..؟؟؟
    بالله الزواج بيدي ولا بيدكم مشكله البنت بالسعووودية هنا
    والله العظيم اول كنت اقوول ان االي يؤمن بالعين موسوس بس الحين صدقت لانو شفت نماااذج كثيرة لناس ماتستاهل وظايف ولا تستاهل زواج ولا اي شي
    وناس تتعب وتكافح وتدرس وبنات حلوات مشاءلله تبارك الله واولهم انا وبلا غرور ووهم عوووانس لحد الحين مشكله الععنووسه ترى سببها بطاله حقت الرجال يعني لو الرجال موضفين كان تزوجو الحريم ولا مستحيل بنت بتوافق على ولد ماعندة وضيفة يعني كل مشاااكل الحياة عنووسة امتلاك بيت سيارة ودراسة والسفر وعلاج ,,, سببها بطالة الرجل ا,,,…؟؟؟
    ____________________________________________________
    ولد عمتي خريج ماجستير بكندا هندسة كمبويتر مالقى وضيفة ,,,؟؟؟
    ولد خالي خريج جامعه بهولندا لحد الحين مالقى وضيفة …؟؟؟
    عمتي ماجستير تاريخ ولحد الحين مالقت وضيفة ,,,,؟؟
    والعكس صحيح
    واحد من قرايبنا ثانوووي ووويشتغل بالبلدية راتب 7 الاف ,,؟.؟؟
    وثاني معه ثانوي ودبلون 6 شهوور حاسب ووموضف بنك وراتبه 8 او 9 الاف ,,..؟؟
    حرام صدق قهر
    وانا شكلي بصف مع اعيال عمتي وعيال خالي وعمتي وبنصير عائله البطاله ههههههههههههههههه

    الله يعينا ويعينكم ,,, ويارب يرزقنا واياكم

    الا بالله ابسال وش سالفه المكاتب التوضيف الي يقولون ناخذ منك الف وااذاتوضفتي ناخذ نص راتبك صدق هالمكاتب ولا بس لعب على البشر
    ,,,…؟؟؟

    بالتوفيق لك

  17. قصه قصيرة لكل من يملك سلطة ومنع اخي من ان يتوظف

    تخرج من الثنوي جرب يكمل جامعه ماقدر لمصاريف الدراسه والبنزين ولا لموزين وغيرها ماعنده امكانيه الجامعات بعيده وماترحم لو الطالب تغيب يوم بسبب او بدون سبب ومايعترفون الا بتقرير طبي ( ؟ )

    فشل بالجامعه امي شافته بيضيع زوجته
    قالت بنت الناس بتركدة ماتدري انها زادت المأساه

    اخوي متزوج وعنده ولد وزوجته الان حامل
    ماترك مكان ماقدم فيه طلب وظيفة
    يقدم اوراقة محد وظفه وكلهم يقولون انتظر منا اتصال
    ويختارون اقاربهم والواسطات

    الحال:
    الان ناوي يطلق زوجته لانه مو قادر يشتري حليب لولده
    مسكينه ………. وش ذنبها

    الاتجاه:
    ناوي يكون صايع لان ماعنده وظيفة

    محد وظفه ولا عطف عليه ولا التفت لحالته …….

    قلبي يقطعني لما اشوف زوجته محتاجة لدواء
    ولا اشوف كسره النفس في اخوي لما نكلمه ونطلبه
    يجي ياكل لايموت من الجوع هو وزوجته

    والي قاهرني ان عنده عزة نفس مايبي صدقه ولا يبي حسنه

    الله يلعن الفقر الله يلعن الفقر الله يلعن الفقر

    يبي يتوظف ويصير رجال يشار له بالبنان

    وحلمه يكون شاب منجز ومفيد لمجتمعه ولوطنه:(

    مو شب وشاااب تحت سقف مخده عاطل لافائده ترجى منه

    والمأسي تستمر وكل يوم يشرق هناك عاطل يولد

    شكرا على قرائه كتاباتي

    ادعوا لكل اخواني السعوديين الرزق الحلال الطيب والعز بدنياهم واخرتهم لانهم فعلا رجال يستحقون الافضل

    واتمنى من الله ان يطيل في عمر قادتنا ويزيدهم شرفا ورفعه وخير على خير

    ويساعدهم على حل مشاكل الشعب قاطبه وكم اتمنى ان نشكرهم على تقديمهم مد يد العون للمتظررين من الدول

    اعجز عن شكرهم على عملهم الخير وافعالهم الحسنه

    ويعلم الله مابنوايا قلبي اني لا اريد لنفسي شيئ

    فقط اريد ان ارى كل الناس بسعادة وخير .

  18. حمله ………………………….وظيفة يارب

    اطالب برفع الدعاء في الماااذن

    بان يتوظف كل شباب وشابات وشيبان وشايبات السعوديه برمضان القادم

    ارفعوا يديكم معاي يارب يارب ياااااااارب وظف كل السعوديين والسعودياااات

    يارب لاتخلي منا احد بفقر ولا حاااااااجة

    ياااااااارب نقدم لوطنا شيئ يرفع الراس ويبيض الوجه ويطيب خاطر حكامنا منا

    قولووووا امييييييييييييييييييييييييييييييييين

  19. مسا الخير

    يالله لا تحوجنا لاحد .. شف الناس كلها وصلت لحد الشحاده
    زمان كان في غني وميسور الحال وفقير واليوم صار في طحطوح و شحاد

    عاد انا تخيلوا مأخره زواجي 8شهور والله العالم لين متى ؟ والسبب قلة الحيله.. الاجارات غاليه العفش غالي والذهب غالي حتى القرف بهاليومين صار غالي اوووووووووووف بس الحمدلله على كل شي

    ماغير استغفر ربي واحمده واشكره عسى ينسيني همي ويخليني ارضى بالواقع اللي انا فيه بدل ما اكل في نفسي طول الليل والنهار

    لو صارت معي وانشالله تصير .. وتفرج
    وعد مني قدامكم وقدام ربنا اني احاول لو اتكفل بمصاريف عائله محتاجه
    وياريت كلنا نعمل كده لو تيسرت الحال لين ماتفرج ويجينا حقنا من النفط اللي ينباع ومن الكروش اللي بتكبر يوم عن يوم

    سلام

  20. انا امراه اعول ثلاث بنات وولد وزوجي عاطل عن العمل ولانملك بيت واعيش في مكه المكرمه في شقه متهالكه 15 الف ريال في السنه وكما تعرفون ان اهل مكه قوم دابو على مص الجيوب من اجل الثراء السريع نخرج ايام الحج عشان ياجرون للحجاج وطوال السنه منا وعشان الشقق الي متخرج في الحج منها ايجارها35صبرنا وقاعدين في الشقه المعفنه وعليه دين لبنك الرياض 150 الف هل يعقل ان يحدث هدا لبنت البلد والله تمر علينا ايام نشعر فيها باالقهر والضيق لاكن حسبنا الله ونعم الوكيل الامنيه ان يكون عندنا بيت خطينا الاربعين ومازلنا بلابيوت

  21. للاسف صرنا في غابة القوي ياكل الضعيف

    المسئول مخدوم ومحشوم ويتجاوز النظام ويخير ابنائه وهم اطفال في اي المجالات يرغب

    اما الضعيف ( يا قلب لا تحزن )

    يطمح ويحصد اعلى النسب ولكن لامجال للطموح

  22. وش اقول عى حالتي نا اه اه اه من حظي الطايح كان حلمي الوحيد ادخل الجامعه ابوي كبير بالسن وانا اكبر وحدة بالعيله ماعندي اخوان اكبر مني وقدمت على الجامعه وما قبلوني والناس حاجزيني اخطبوني يبغوني ادخل الجامعه ومنحرجه وش اقولهم احرااااااااااااااااااااج والي خطبني بالجامعه
    اللة لا يوفقهم كل شي بالواسطه حسبي الله ونعم الوكيل

  23. ياااجماه
    متأكدين أنتم سعوديييين
    هل أنتم في عهد ملك الإنساااااااااانية
    هل أنت في عام 2010م
    عام 1431

    لفتة(الرسول صالى الله علية وسلم يناااام على الحصير)
    ويلب الثيااب المرقعة وهو قااائد الأمة

    يقول عمر بن الخطاب(لو أن بغلة تثعرت في بغداد لسألت عناهااا)

    ياجمااعة والله والله والله شي يقطع من الألم
    وشي يبيكي
    اللهم لك الحمد على كل حااااااااااااااااال

  24. ياشباب هذي ………….. عاد كملوها) يبوننا نسرق ونبيع مخدرات ونطلع مجرمين وارهابيين عشان يعبون السجون لكن حسبنا الله ونعم الوكيل

  25. والله شي يقهرر .. يقهر من جد

    قرئت جميع مآكتبوا والله تقطع قلبي عليهم .. قسم اني شوي وآبتسي

    اخواتي اخوآني .. انا موظف قطآع خآص .. وهذا ايميلي

    r_ad@w.cn وبسآعد الي آقدر آسآعدهـ .. من رآتبي ..

    انا عزوبي ولآني متزوج ولا شي ..

    كلمة لأصحآب البشوت :

    أتمنى ان تقرؤون مآكتبوا هؤلاء المظلومين من حقوقهم كـ موآطنين

    ووالله والله رآح يجي يوم يبيعون جنآسيهم ويخلونكم ..

    وشكلهم يبون هالمسآكين الضعاف .. يشتغلون بيآعين حبوب ومخدرات

    علشآن يحطون الخبر بالصحف ( الجمرك .. الشرطه .. أل أل أل .. استطآعوا القبض على مجرمين مهربين )

    سسسسسسسسسسسسسسسسسسسسسسسسسسسسسسسسسحقآ لهؤلاء ..

  26. شكرا لك على طرح هموم العاطلين

    اتمنى ان نساند صاحب منتديات حلول البطالة
    http://www.btalah.com/
    في ابراز موقعه اعلامياً ليصل صوت العاطلين الى اكبر شريحة مهمة في المجتمع

  27. عقوق الوطن
    وطني الحبيب .. لستُ إبناءً عاقاً فلا أنا أحلم بالسفر وهجرة ترابك غاضباً أو سائحاً ، ولا أفكر بأن تعبث يدي في إفساد مقداراتك والعبث بأمنك .
    كل ما أرجوا منك وطني الحبيب أن تسمع قصتي فربما يحن قلبك لي وتتسابق ذرات ترابك لتحتضنني عندها ستجدني حبيبي أقبل أركانك شرق وغرباً وجنوباً وشمالاً وتتساقط دموعي تترا في نجدك .
    فأسمع يا رعاك لبُنيك :
    عندما كنت في بطن أمي قبل خروجي بساعات كنت مشتاق إليك فقد كنت أسمع بك عندما كانت أمي تردد السلام الوطني والاناشيد الوطنية .
    وحين أردت رؤيتك بدأت معاناتي معك فقد رفض مستشفيات الولادة الحكومية استقبال ولادتي بحجة عدم وجود أسرة وكنت أسمع أبي يصرخ لموظف المستشفى نحن سعوديون وهناك حالات ولادة لغير سعوديين تستقبلوها .
    ولشدة شوقي لك لم تستطع أمي صبراً فذهب بها أمي لإقرب مستشفى خاص وخرجت ولكن كنت متعباً من منذ البداية والسبب هو شوقي لك .
    مكثت في المستشفى الخاص بضعة أسابيع وحين دبت في عروقي العافية أحتجزوني عنك لأن أبي لم يستطيع إكمال تكاليف خروج المواطن ( الكتكوت ) لحضن وطنه ولا لكتف والده ولا لصدر والدته .
    وخرجت لأمي ولكثرة رغبتي في أن انمو سريعاً كي الهوا مع ذرات ترابك واطارد نسيم هواك لم يكن يكفي صدر أمي لذلك فكان أبي يشتري لي الحليب وكنت أسمع يصرخ من غلاء المعيشة فقد كنت وبالاً على أبي في غذائي وحتى ( معذرةً ) في مايخرج من بطني .
    وأخيراً بدأت أول خطواتي فوق ترابك ( تا ته خطوه خطوه ) ولم أكمل أول ثلاث خطوات حتى سمعت أبي يقول لأمي سوف نترك السكن لأن صاحب الشقة يريد رفع الايجار وأصبحت كل مامشيت خطوات في تراب الحي ننقل لحي أخر بسبب غلاء أجرة العقارات فلم أنعم بتراب حي من احياء وطني ولم يكن لدي أصدقاء لكثرة تنقالاتي بين الاحياء .
    وفي سن الثالثة والرابعة والخامسة لم يتمكن أبي من إدخالي الروضة طبعاً والسبب الأول والأخير عدم القدرة المادية .
    وعند السادسة ذهب بي أبي لتسجيلي في المدرسة المجاورة لمنزلنا فلم يجد مكان وبالكاد وجدنا في حي بعيد عن منزلنا والغريب أن هناك وافدين يدرسون في المدرسة المجاورة لبيتي .
    المهم كانت المرحلة الابتدائية مليئة بالاحداث وبرغم معاناتي في الحي لعدم وجود ملاعب لإطفال الحي كنت إيضاً مدرستي لايوجد بها سوى ساحة مفروشه بالبلاط وكم كسر هذا البلاط من يداً وأنفاً وأسنان .
    ومرت سنوات الإبتدائية ولا تختلف عنها المرحلة المتوسطة وزاد شيئاً واحد وهو عدم وجود تحفيظ قرآن بالمسجد المجاور .
    وجاءت المرحلة الثانوية التي أصبحت لكل الشباب نقطة تحديد المصير .. طبعاً المدرسة لا تختلف عن الابتدائية ولا المتوسطة من حيث التجهيزات فكنت يومياً أمشي مايقارب 3 كيلو مترات صباحاً لمدرستي وهذا من حسن حضي فصديقي ثانويته على بعد 10 كيلومترات .
    وكنا نحن طلبة الثانوية بعد نهاية اليوم الدارسي وفي الاجازات لانجد مانشغل فيه أوقات الفراغ إلا القليل منا برحمة الله تعالى ثم لأن ابئائهم من الاثرياء .
    في حين كان الكثير لايجد غير أرصفة الطرق أو الحصول على سيارة والد أو قريب فيذهب من يهوى الغزل للاسواق والمنتزهات ومن يهوى التفحيط للمخططات وفي الليل تجمعهم المقاهي والكازيونات وكلاً يغني على ليلاه ..
    كنت أرى اقراني يتساقطون أمام عيني ..
    فمنهم من أصبح متطرف في الدين وأصبح يكيل السب والتكفير للوطن ولكل من يمشي عليه ..
    ومنهم من راح ضحية المخدارت .. سرقة السيارات .. التفحيط .. السفر الغير اخلاقي .. وغير ذلك من متاهات بعيداً عن السرط المستقيم .
    ومن سلمه الله عز وجل من السبل الشيطانية تلك وكذلك من تاب ورجع إلينا فرحنا معاً ونجحنا من الثانوية .
    وبدأت مرحلة كسر العظم والعض على الأصابع فهذه المرحلة هي المعركة الفاصلة بين الحب والعقوق .
    فكنا 50 شاب أحدنا تم قبوله في الجامعة وأخر ذهب لبعثه وبقي 48 من لم يجدوا سوى رحلة البحث عن وظيفة فمن دائرة لديوان ومن شركة لمؤسسة ونحن نحمل ملف بلون بيرق الوطن الأخضر ( كما يقول أحد الوافدين مزدرياً أحدنا بعد تتردد على أحدى الشركات ” أنتو علمك أخضر وملفاتكم خضراء ليه الغترة طلعت بيضاء ) .
    ومن وجد مصدر رزق بعد وظيفة حكومية أو خاصة أو أهلية بعد معجزات وخوارق بشرية وقبل ذلك طبعاً بفضل الله سبحانه وتعالى .
    وكنا نجتمع فكل واحد منا يحكي معاناته فهذا برغم راحته المادية يشتكي أنه لايجد وقتاً لراحته ويقول اكاد لاأعرف ملامح وجه زوجتي بل وأطفالي .
    وذاك يشتكي من شركته وتسلط الوافدين عليه وما يجد من تضييق وقلة راتب والموظف الحكومي يصرخ بصوتٍ عال (سلف حق النزين )
    هنا تذكرت حالي وأنا في بطن أمي فقلت صارخاً في وسط الحضور لقد مرّ بي كل هذا قبل ولادتي .
    فنظر بإستغراب كل من حولي ولسان حالهم يقول لي ( مسكين مخه ضرب ) .
    أخيراً :
    وطني الحبيب أننا نحبك ولن يجد من مّس ترابك وتجراء على حدودك غير دماءنا نعمي بها بصره وأضلاعنا نكسر بها يديه ولك فيما مضى شاهد عندما هرب وخانك الوافد وبقينا نحن نحتضنك .
    ولكن بقي سؤال عند موتي فهل يجد جثماني بين أحضانك مكاناً ليدفن فيه .. أخاف أن تكون المقابر غداً بثمن أو أن لا أجد مكاناً لعظامي لكثرة البطون الوافدة إليك من كل أرجاء الدنيا .
    فوصيتي لمن يدفن جثماني أن يكتب فوق قبري ” وطني الحبيب لا أحب سواه ”

    مع تحياتي ..
    بقلم : الأمل القادم

  28. تعاون عائض القرني مع زين

    ليت الذي وداك ياشيخ جاااابك وتشوف عقبك كيف الايام سون

    كل موقف وكلمة أصبحت لديك ياعائض القرني لها قيمة وأصبحت مع من يدفع أكثر .

    وأكبر دليل على ذلك تعاملك مع زين ..

    قالوا للراقصة هزي قالت نقاطوني .

    شركة تتعاون مع من يسب أمهات المؤمنين وتحارب أهل السنة وقنواتهم .

    وبكل صلافة وجه تأتي وتتعاون معهم .

    لكن أبشرك بتصير مخلل مثل شرائحها .

  29. السلام عليكم ….

    أرجوا من الاخوان المسؤلين عن هذه المدونة الرائعة الكتابة عن خريجي الكليات التقنية (( لا وظائف ولا إكمال بكالوريوس ))

    حسبي الله عليك يا (معالي المحافظ) الغفيص كل ذا خوف على منصبك و ميزانية المؤسسة (ميزانيتك) , ليش رافض تدمج المؤسسة مع التعليم العالي ياخي دام مافيه وظايف خلينا نكمل البكالوريوس في بلدنا فتحتوا الموازي لبعض الاقسام و في الرياض فقط , و تكاليفها اكثر من 80 الف ريال ليييييييييش . الساعة ب 800 ريال وووووووين عايشين . و هذي اخر سنه و بتسكرون الموازي , و البعثات نصب في نصب كلها واسطات عينك عينك و طالبين معدلات 4.5 من 5 ,,,
    دامك عديل الامير سلمان تلعب في مستقبلنا على قولة اخواننا المصريين (اللي له ظهر ماينظربش على بطنه)

    أنا خريجي الكلية التقنية تخصص محاسبة معدلي 4.25 من 5 و لي سنتين عاطل

    و الان اشتغل بشركة براتب 2500 ريال و الدوام 10 ساعات يوميا . من 9 صباحا الا 12 الظهر تدرون و ش اسوي بالوقت ذا اشتغل كلينر أنظف المعرض اللي اشتغل به اكنس الارض و المع البلاط و القزاز و الواجهه الخارجيه للمعرض و تجينا كراتين بضائع يتجاوز وزن الكرتون 60 كيلو نشيلها على ظهورنا جانا الديسك و الروماتيزم و الالام المفاصل , و الدوام المسائي من 4 العصر الى 11 ليلا و طبيعة شغلي باائع و خدمة زباين ,,

    و اجازة يوم واحد بالاسبوع و ما تاخذها بالويك اند ليييييييش
    ابي اجازة لو يوم الخميس او الجمعة ابطلع مع اهلي و عيالي ترااني ابن ابلد مو غريب و جاي اترزق الله ,,

    سلاااااااااام ياالكلية التقنية الله لا يعيدك من كلية انتي وصك الاعسار حقك

    أحلى تحية لمعالي المحاااااااافظ

  30. تكفون تكفون تكفون اقسم برب البيت والله العظيم احنا ايتاام وامي تعبانه احنا 4 بنات وعندنا اخو واحد بس والمشكله عاطل تو تخرج السنه هذي واقسم بالله ماعندنا مصروف الا الضمان الاجتماعي 1500 ريال ولدي كل الاوراق الي تثبت اني صادق تكفون حاولوا تساعدونا والله العظيم احنا نستحي نروح اعراس وكذا اقسم بالله اذا شافوا لبسنا يضحكون ويتكلمون وربي اني اموت قهر بس الحمدلله على كل حال تكفون حاولوا تساعدونا بالي تقدرون عليه وشهر الخير قريب تكفون وسعوا علينا الله يوسع عليكم وربي انكم بتفرحونا ولكم منا كل الدعاء هذا رقم حساب اخوي محمد بنك الراجحي 135608010510681 اختكم المظلومه ارجوكم وصلوها لفاعلين الخير وربي ماعندنا نت هذا نت صديقتي وقالت لي عن الموقع هذا ارجوكم ساعدوني
    وهذا رقم امي 0502058613 اقسسم بالله اني صادقه بكل كلمه قلتها داخله على الله ثم عليكم لاتخلونا

  31. ________________________________________________________________________________________________________________________

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s