وين الوظيفة يا وطن ؟

 

الهمّ ضيّق خاطري ولا جداي الا الغنا
حتى العنا لك الله انه يزيد ضيقي والحزن

واللي تعنا واجتهد يبغا الجنا وين الجنا
خمسة غروس اسقيتها بيدي ولكن ما أثمرن

ما أغير اناظرها عسى تثمر وتجلب لي الهنا
تعبت عيوني وابطت غروسي وانا بشكي لمن ؟

ياموطني يالموطن اللي ماعرف مجدك فنا
خيرك وصل اقصى البلاد العالميه والمدن

ياموطني انا هنا انا هنا انا هنا
لدك لما بعد الحظن ينسيك من وسط الحظن ؟

ياموطني ظلم علي الوقت .. وأتحرّا السنا
ويزيد في عمري زمن ويروح من عمري زمن

ابغى ارضي الشيبان وارضي خاطري بشوف الظنا
لكن مابه حيلةٍ في اليد … ياشين الغبن

طقيت باب الرزق لكن مافتح والله لنا
كنه يقول : السير يافهمان لازم يندهن

طقيت باب الرزق لكن مافتح والله لنا
كنه يقول : افلح وجب لك واسطه ولا استكن

قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن

افديه وآقف درع قدام الهنادي والقنا
ولو تركني فالمحن ؟ فلا تركته فالمحن

فقير ماشفت الغنا ولاني من عيال الغنا
لكن اذا صاح الوطن ؟ اتسلف ريال الكفن

أثور من دونه وانا سعودي وانا طيّب جنا
مايشكك في ولائي فالسريره والعلن

ياموطني .. هذا عتاب أحباب .. جعل اللي شنا ؟
يلقى البليه والمصيبه والمهونه والوهن

خمس اسنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن

نلت الشهاده والفرح برقه سبق رعد العنا
هذي الشهاده ياوطن وين الوظيفه يا وطن ؟؟

شعر / سعد بن مانع

5 أفكار على ”وين الوظيفة يا وطن ؟

  1. 1-صح لسان الشاعر.
    2-القصيدة أبلغ من أن يعلق عليها.
    3-لاعدمناك ياراعي الحلم الأخضر.

  2. والله صادق في كل كلمه
    ياعالم ياناس والله حرام الا يسير في الشباب
    بلاد افقر مننا واهلها عايشين في خير ونعمه واحنا ارض البترول والخير
    كل واحد افقر من التاني
    لا ويقلك ارفع راسك انت سعودي

  3. نعم ياوطن تعلمت ولله الحمد ولكني لن أرضى إلا بوظيفة تقدر كل سنين تعبي وسأجتهد وأكافح وكلي أمل ياوطن أن تقدر جهدي وكل من نال مرتبة الكفاح ونال أعلى الشهادات
    ياوطن لن نخذلك فنحن أبناؤك….نحن بذورك التي غرستها في تربتك ألاتريد أن تجنيها وترى ثمارها مغروسة في أجيالك …ياوطن!!!!!

    شكرا للشاعر سعد ولك أخ طراد …

  4. صح لسان الشاعر
    والله يعين الجميع على البطالة والفقر ، والله الحال ما يسر

    وشكرا لك طراد على الموضوع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s